رواية أبو زوجتين ::: هدية خاصة لقراء مخيم الإمام الحسين : روايتين في آن واحد !! - الصفحة 2 - منتديات شبكة مخيم الإمام الحسين (عليه السلام)

مجموع الأوسمة · 15-12-2009

اني اتعجب كيف يزوجوا الأولاد بهذاالسن 17 عمر عبدالله وحامل مسؤلية كأنه بعمر 25 ومافوق
سبحان الله وبعدها بكم سنة ياخذ الثانية يعني مايوصل 30 سنة الى عنده كومة عيال من الثنتين هههه
الله يعينهم ويعين عبدالله على ابوه شكله موهين والله
تسلم اخوي ابواحمد بنتظار البقية

16-12-2009

اقتباس:

المشاركة الأصلية كتبت بواسطة النرجس

في إنتظار الرواية أخي الكريم

موفق لكل خير

لك ذلك سيدتي

تحياتي

16-12-2009

اقتباس:

المشاركة الأصلية كتبت بواسطة شمعة أمل

اني اتعجب كيف يزوجوا الأولاد بهذاالسن 17 عمر عبدالله وحامل مسؤلية كأنه بعمر 25 ومافوق
سبحان الله وبعدها بكم سنة ياخذ الثانية يعني مايوصل 30 سنة الى عنده كومة عيال من الثنتين هههه
الله يعينهم ويعين عبدالله على ابوه شكله موهين والله
تسلم اخوي ابواحمد بنتظار البقية

أعان الله عبدالله وأعاننا على هذا الزمان

وبمعنى أصح .... أعاننا على أهل هذا الزمان

تحياتي

16-12-2009

- عودنا يبا للرخيص .. ترى مو كل رخيص زين .. صج توفر بس ساعات فيه أشيا ماينفع معاها الرخيص .. عندك الحين البنيان أدفع اكثر علشان تضمن ما يخترب البيت أو يطيح على راسك .
- شمدريك بالبنيان .. أنا أبوك وأعرف الدنيا أكثر منك ..
- أنزين يبا .. قربنا ندخل البلد .. تبي أروح البيت على طول أول أنزلك مكان معين.
- والله شكلك انت اللي تبي تنزل عند ربعك .. لاتلف ودور .. يالله وقف أنزل عند البقالة .. شفهم قاعدين .. واسمع لاتتأخر على الغدا .. انا اليوم بتغدا ويا خالتك شريفة .. يعني لازم تقعد مع أمك .
- يبا .
- ها وش تبي .
- صراحة .. أنت ذكي !
- شلون ؟
- تبيني أكثر الأوادم على السفرة ويا أخواني علشان أمي ماتحس بقلة وجودك .
- والله أنت الخبيث .
- أنزين يبا عطني عشرين ريال .
- توني أمس معطيك خمسين .
- يبا حرام عليك أنا متزوج وأشتغل معاك ..وعندك نخيل وعماير .. وتحاسبني على خمسين ريال.
- يما منك .. صل على محمد .. خذ .
- اللهم صلى على محمد وآل محمد .

توجه عبدالله نحو أصدقائه الذي يجتمعون عادة على رصيف البقالة التي في شارعهم .

- السلام عليكم
- وعليكم السلام .. شدعوة بوعابد .. وين الناس . (صديقه عيسى)
- والله رايح مع الأبو الهفوف .
- شعندكم .. اكيد تلقطون الإيجار .
- وحنا عندنا غير الإيجارات والنخل .
- أنا أشم ريحة في كلامك ياعبدالله ( علي )
- حشا كلامي طبخة كبسة .. مو كلام !
- والله جد .. اعتقد إنك ناوي على نية ( علي )
- تبون الصج .
- أكيد . ( الجميع )
- أنا سجلت في أرامكوا.
- أرامكوا.. بالله ليش ماقلت لنا إن عندهم تسجيل .. صج انك أناني !! ( عيسى )
- والله حاولت أقول لكم .. بس تدرون تلفونا مخبط .. وحاولت ادق عليكم .. والله توني البارحة دريت ورحت اسرع اصور الورق .. حتى شوفوا صورت صورتين بالغترة .
- أنزين فرضا أقبلوك .. شبتسوي .. أقصد شنهي خطتك ( أحمد نسيبه ).
- أكيد مايبلا كلام .. بشيل قشي وبهج .
- منين بتهج ( عيسى ).
- بهج من النخل .
- أووه .. أفكر بتهج من البيت ( أحمد نسيبه).
- لا تخاف على أختك .. مابتضيع ( عيسى ) .
- لا والله مو قصدي .. بس أنا أشوف كل اللي يشتغلون في ارامكوا يهدون بيت أهلهم . ( أحمد نسيبه ) .
- أكيد بيتوسعون.. المهم الحين بهدكم .. أبي أروح البيت ..تراني ماصليت وبتغدى علشان أروح النخل العصر .
- أجل أشوفك هناك يابو نسب .. وبجيب معاي سنكرس( أحمد نسيبه ) .
- إن شاء الله .. أووه .. ذكرتني .. تهاني موصية على اشيا بشتريها من البقالة .. يالله خلني اشتريها وأروح البيت .
- تدرون شباب أحسن شئ في فريجنا هالبقالة .. أي وقت تجيها فاتحة حتى وقت الصلاة .( عيسى ).
- الحين اللي يسمعك يقول سوبرماركات الهفوف.. كلها بقالة مترين في مترين (علي ) .

وخرج عبدالله من البقالة وسمع حوار عيسى وعلي .. فرد عليهم وهو يريد الذهاب إلى بيتهم .

- أقول .. بقالة مترين في مترين فاتحة وتاخذ منها خبز عندنا.. أحسن من سوبر ماركت الهفوف على قالتك ومسكر.

- صج ماحد يغلبك في الكلام .. عبدالله والأجر على الله .. ( علي ) .
- أكيد ماحد يغلب عبدالله .. أجل ليش أحنا عطيناه أختي .. ( أحمد نسيبه)

دخل عبدالله منزلهم وتوجه مباشرة إلى المطبخ ليسلم على أمه ويقبل يدها كما هي العادة .

- شلونك يمه .. ولهت عليك .
- هلا أبويا .
- يمه .. ترى ميت من الجوع .. شطبختي اليوم .
- اليوم مسوية .. مطبق ربيان .
- أخخ .. والله احب هالأكلة .. بس منين الربيان ؟
- نسيت .. اللي شريتوه من سوق الخميس .. الربيان اليابس .
- أه .. والله نسيت .. صج شحلو شكل ذاك الربيان .. ينوكل وهو نيَ .
- يمه .. روح صلي .. وشوف تهاني ولا تتأخرون على الغدا .
- إن شاء الله يمه ..

توجه عبدالله لغرفته وما إن دخل .

- وينها ؟ .. مافي أحد ..
- وواوو !!
- بسم الله الرحمن الرحيم .. والله روعتيني .
- شلونك عمري .
- الحمد الله .. توني جيت .
- جبت اللي وصيتك عليه .
- أيه عمري .. بس الكاكاو الاحمر مالقيته .. يقول الهندي خلص وبيجيب منه العصر من الهفوف .
- حياتي .. شكلك ماعرفته.
- شدعوة .. والله عرفته .. مو ذاك الاحمر اللي محشي بره بجوزالهند .
- إيه هاذا اهو .. أموت عليه .
- أفا .. تموتين عليه أكثر مني !
- لا عمري بعدك .
- ولل .. يعني أحنا بالترتيب ! حظ الكاكاو !
- شدعوة أمزح معاك ..
- المهم عمري بصلي وبنتغدا .. اليوم أم عبدالله مسوية خوش طبخة .
- أووف .. عمري امتى يصير عندي مطبخ وأطبخ لك أنا .
- والله عمري قريب بسوي لك مفاجأة .
- صج حياتي .
- أنت صبري بس وبتشوفين الاخبار الحلوة .
- الله يخليك .. والله ماني رايحة الغدا إلا لمن تعلمني .
- أقولك بعدين عمري .
- والله تقول الحين .. يالله حياتي .
- سمعي يازوجتي وبنت خالتي وحياتي .. أنا قدمت في شركة أرمكوا .. وإذا قبلوني بشتغل وبهد أبوي وأشغاله .
- صحيح .. والله أحسن خبر سمعته في حياتي .. واو !
- قولي إن شاء الله .
- الله كريم .. إن شاء الله عمري .
- يعني بعدين بتشتري سيارة بروحك .. وأروح وياك كل مكان .
- أيه أكيد عمري .
- يعني بنروح الهفوف نتسوق .. ونروح المطاعم !
- أكيد عمري .. كل هالأشيا بحققها لك .. بس الله يخليك لايطلع كلام مني ولا مني .. مابقول للوالدة إلا لمن يكلموني أرامكوا رسمي .. وعلى فكرة .. حطيت رقم بيت أهلك .. يمكن تلفونا خربان ولا فيه شئ ويكلمون أهلك .. عطيهم خبر .
- إن شاء الله اليوم إذا رحت عند أمي بقول لها .
- يالله عمري بصلي علشان الحق على الغدا .. بموت من الجوع .

وعلى سفرة الغدا في صالة بيتهم الكبير .

- ها يمه .. إن شاء الله كثرتي الدهن .
- يضرك يمه .. حطيت شوي.. وين تهاني ؟

16-12-2009

- جاية .
- السلام عليكم
- وعليكم السلام تهاني .. شلونك ( زهرة أخت عبدالله )
- الحمد لله .. تأخرت اليوم .. سامحيني خالة والله تعبانة حيل .
- عادي يمه .. ماعندي شغل واجد .. زهرة ماقصرت .
- يمه زهير قوم بتشوف صحن عليه قصدير وده لبوك .
- شنهو يمه ( عبدالله ) ؟
- تدري أبوك يحب هالطبخة .. ولازم نودي له يذوقها .
- بس يمه بتاكل منه شريفة ( مريم أخت عبدالله الصغرى )
- عيب يمه تقولين هالكلام .. هذا ابوك وذي خالتك ( الأم )
- الله يمه .. ياليت أبوي يسمعك .. صج مافي مثلك ( زهرة )
- أها أكلوا علشان تشربون الشاي وتروح النخل ويا أبوك .

عبدالله ينظر لأمه وعيناه أغرورقتا بالدموع حتى أصبحتا لامعتان .
- أحبك يمه .. الله يخليك لنا.

فرغت العائلة من الغداء وجلسوا لشرب الشاي .

- يمه .. عندي سؤال .
- قول عيوني شعندك .
- أنت تحبين أبويا ؟
- وليش ما أحبه .. أهو أبو عيالي .
- وحتى بعد ماعرس عليك وحط شريفة .
- أكيد زعلت .. أنا أنسانة لازم بزعل .
- طيب ( عبدالله )
- أنا مادرست وهي عندها الثانوية .. بس مهما يكون أنا عندي أحساس .. ولازم بتأثر .
- يمه .. ماودك أبويا يموت ويا شريفة ( مريم الصغرى )
- عيب مريم .. وجع .. شالكلام تقلوينه على أبويا ( زهرة )
- يابنات .. خلوا أمكم قدوة لكم ..والصج النسوان مو سوا .. وما بتلاقون مثل امكم ( عبدالله )
- ياعبدالله .. أنا زعلت وتكدرت يوم قال بيعرس .. وخاصة ليلة العرس تميت اصيح لين الصبح .. بس شسوي أهو يبي يعرس من زمان .. وأنا ما أقدر أمنعه .. والله يعلم أني مابرحت أحبه ولا أكرهه .. ولا بنسى ثمانطعش سنة قضيتها معاه .. يعني بالعقل ياعيال .. بسرعة بقلب عليه لأنه عرس وخذ وحدة ثانية.. لا .. هذا موطبعي .. ولايرضي الله ورسوله .
- بس ليش رفضتي يجيب شريفة زيارة عندنا ( عبدالله )
- صعبة ياعبدالله .. وخاصة توه معرس .. أنا قلت له بعدين .. وأهو يقول بتجيك بتحب راسك وهي كبر وحدة من بناتك .
- يمه أنت مومنة حيل ومافي مثلك ( زهرة )
- عبدالله .. في نسوان عندنا في بلدنا من يعرس زوجها ترفع العلم وتشب الضو .. وتسوي حرب كنها بتحارب أسرائيل .. أنا إذا فكرت صج وشغلت عقلي ..أشوف خالاتي .. فكروا عدل .. خالاتي أكثرهم مب من أم وأبو .. يعني خالاتي من الحجية أمي وبس .. وحتى عماتي خوات أبويا عبدالله الله يرحمه .. هم مب خلصه .. يعني أنا أكرهم واعاديهم .. لا .. بالعكس هذاكم تشوفونهم وتزورنهم وتحبون روسهم .. وتقولون لهم خالة وعمة .. واحنا عايشين .. ومانقدر نغير شئ صار وأستوى .
- يمه شمعنه خلصه ( مريم الصغرى ) .
- يمه الخليص والشقيق يعني أخو أو أخت من أم وأبو .
- تصدقون .. لو الواحد فكر عدل .. الزعل واللوبة بس وقت العرس ! وإذا مرت السنين ورا السنين.. وجاو العيال والبنات .. ينسى بني آدم ويموت الأبو وتموت الأم .. ويبقى الأخوان والخوات .. خليص أو موخليص أهو أخوك وأختك .. وساعات يمه تشوفون اللي مو خلصه أحب وأقرب من الأخلصة .. يعني مايعطي معنى !
- بس يمه أكيد زواج أبونا أثر في نفسيتك .
- إي والله أثر .. بس صبرت .. وشوي شوي إن شاء الله أنسى .. وأنتوا وقعدتكم معاي تنسيني .
- بس يمه تتوقعين أبوي يهدك .. وينكر فضلك .. تدرين أنت عشتي وياه من أيام الفقر إلين أستغنى .. يعني شريكة حياته على الحلوة والمرة .
- لا .. أنا أعرف أبوك .. ما يخون العشرة .
- بس يمه ليش خالاتي دايماً يقولون الرجال مالهم أمان ( زهرة )
- يازهرة .. أكيد هالكلام من خالتك إيمان .
- صح ( زهرة )
- شتفي .
- قصدك زواج أبوي مب خيانه ( عبدالله )
- شفايدة عبدالله .. الأبو ما يعرس ثانية وأخلاقة ومعاملته شينه ويا زوجته وعياله .. هذا شوفوا خالتكم إيمان .. رجلها ماعرس ثانية .. وكل يوم مطقوقة بالهوز والعسو ويسبها ليل نهار .
- فهمتك يمه .. الله يساعدك ياخالة .. هذا حيوان مب انسان ( عبدالله )
- أيه عبدالله .. أنا عندي الزوج يعرس ثانية وأهو مومن وخلوق ويعامل المرتين مثل مالله يبي .. أحسن من رجال بروحه مايخاف الله .. الحمد لله على كل حال .
- بس يمه أكيد أحد موصيك .. ماصدق .. منين تجيبين هالكلام .
- مافهت شتقـول ياعبدالله .. والله ماحد موصيني .
- أقصد يمه لو تدورين وحدة تقول هالكلام في العمران مابتحصلين .. ويمكن حتى على مستوى الأحساء .. صج في نسوان تزوجوا أرجالهم وهم ساكتين وراضيين .. بس مايقولون هاللي تقولينه .. يمه قولي الصج .. أكيد وحدة تعطيك محاضرة من هاللي يقروون وقنعتك .
- الصج يا عبدالله كل ما تذكرت أم البنين سلام الله عليها .. وشلون تحب عيال الزهره اكثر من عيالها .. قلت أخليها قدوة .. وأكيد مابخيب .
- أم البنين !! أخ عليك يا أم البنين .. ياليت النسوان يتعضون منها .. تصدقين يمه راحت عن بالي .. والله نسيتها .
- المهم لاتبطي على النخل .. جات الساعة ثلاث ونص .
- بس آخر سؤال يمه .
- قول .
- الحين أصرارك .. حلوة أصرارك شرايك فيها .. بتكلم جد .. الحين تركيزك على أني أروح النخل مبكر على شنهو؟ .. عين علشان أني اشتغل مبكر أو علشان أبويا ؟

الأم تبتسم والدموع في عينيها .. وعبدالله قرأ الإجابة مكتوبة في دموعها .. ثم سلم عليها وخرج من البيت حتى ركب سيارة أبيه .
- صلاح .. وينك مالك حس وماشفتك على الغدا .. يالله مشينا النخل .
- ما أقدر اروح اليوم .. عندي مذاكرة .
- خلاص .. انا بروح بروحي .. بس جيب دلال الشاي والقهوة .
- حطيهتم جنبك عند رجولك.. ماتشوف !
- أوه .. هذاهم لقيتهم .

توجه عبدالله بسيارته لمزرعتهم حتى دخل منطقة العريش التي تتوسط المكان بجوار العين والمستودع .

- السلام عليكم
- وعليكم السلام ( عامل النخل )
- عبد .. وين أبوي ؟
- أبوك في المستودع .. وتراه زعلان إنك تتأخر في جيتك .
- شلون تأخرت .. الحين حتى الساعة أربع ما جات .
- شتقول ياعبيد ( الأب )
- هلا يبا .. هذا جبت الشاي والقهوة .
- أنا ما أبي الشاي والقهوة .. أبيك أنت تشتغل .. روح داخل النخل .. الحين وقت الصرام .
- بس يبى أنا ما أعرف أرقى النخلة !
- تعلم .. عبد خذ الكر من العريش .. وروح وياه .. علمه شلون يرقاها .
- يبا حرام عليكم .. أنا عندي مذاكرة .. الأختبارات بعد أسبوعين .
- أنت منت بفالح في الدراسة ولا في النخل .. الحين رد .. كم سنة لك في المتوسطة ؟
- ماعليك يبا .. أنا بذاكر و إن شاء الله بعدل مستواي هالسنة .
- بنشوف .

16-12-2009

1/2

بعد أسبوع وفي يوم الثلاثاء بعد صلاة الظهر مباشرة .. رن تلفون بيت بوعبدالله .

- السلام عليكم .
- وعليكم السلام .
- أختي .. هذا بيت عبدالله عبدالمحسن .
- إيه .
- وين عبدالله .
- أهو برا .. للحين ماجا .
- أنت قريبته .
- إيه أنا أمه .. من نقوله .. عسى ماشر .
- قوليله .. كلموك أرامكوا .. وعندك مقابلة في مكتب الحسا يوم السبت في قاعة 117.
- إن شاء الله .. بس ليش .
- قولي له وهو يعرف .
- إن شاء الله .

وعند عودة عبدالله من المزرعة .. دخل البيت متجهاً مباشرة إلى المطبخ .. ولم يرى أمه .. ثم ذهب إلى غرفتها ووجدها تصلي .. فأنتظر حتى فرغت وسلمت وفأجأها من خلفها وقبل رأسها :

- غفر الله لك .
- ولك ولوالديك يغفر الله .
- يعني عودنا يمه .. الغفران لك مرة ثانية .
- يووه .. ليش كلا تدقر في الكلام .
- أمزح معاك يمه .
- صج نسيت اقولك عبدالله .. اليوم اتصلوا شركة الأرانكوا ويقولون عندك تسجيل مدري موعد .
- أسمها أرامكوا يمه .
- إيه أرامكوا ولا أرانكوا .. مثل مثل .
- تقولين مقابلة .
- إيه .. أتصل رجال وسأل عنك ..ويقول عندك مقابلة
- ماقال أمتى ؟
- إيوا قال .. كنه قال تروح لهم يوم السبت .
- بس ماقال وين .. الظهران أو الحسا ؟
- كنه قال في الحسا .
- بس معا منهو ووين ..
- والله نسيت ياعبدالله . سمعته قال رقم بس ماحفظته .
- الله يهديك يمه .. كان خليتي أحد يسجله .
- بس أنت ماقلت لي إنك بتشتغل في ألأرامكوا .
- هذا انت دريتي .
- يعني بتهد شغلك معا أبوك.
- صج أنك تحبينه حب موطبيعي .. يعني خايفة عليه يضيع إذا هديته .
- عبدالله .. أنت الكبير .. وإذا هديت أبوك بيضيع .
- يمه .. لا تجهزين الدوا قبل الفلعة مثل مايقول المثل .. خليني الحين أتوظف وبعدين نتفاهم .. والله يخليك لا تجيبين طاري لبوي .
- على كيف ..
- الله يخليك يمه .. طلبي لي .. ترى دعوتك مستجابة .
- روح الله يوفقك بحق واحد أحد .. وبجاه محمد وآل محمد .
- صدقيني .. توظفت .. مادام الدعا طلع من قلبك .. أنا متوظف تماتيك ومايبيله كلام .

وبعد العشاء .. أي قبل دخول أبو عبدالله البيت لكونها ليلة أم عبدالله .. أكتظ المطبخ بالأم وأولادها ..البنات والصبية .. حيث المطبخ الكبير .. وفجأة دخل أبوعبدالله عليهم .

- قوة .
- هلا يبا .. شلونك ( زهرة ) .
- الحمد لله عيوني .
- شلونك مريوم .

وتركض مريم إلى أبيها ويحتضنها ويضمها إلى صدرة .. ثم يقترب الأب حتى وصل خلف صلاح الذي كان يلعب الأتاري في المطبخ مع زهير .. وقبل صلاح في خده .
- شوفي يمه .. هالأبو يموت في صلاح ( زهرة )
- تراني سمعتك .
- ماقلت شئ يبا.
- أنا أحبكم كلكم .. أنتوا كلكم عيالي .
- حتي أمي تحبها ويانا ( مريم ).

الأم تنظر إلى الأب بطلعة سريعة وهي تطبخ .

- أكيد أحبها .. وأنا عندي أعز منها .. أهي الغالية .. ها أم عبدالله شنهو عشاك اليوم .
- يبا أمي سوت بيض بالبطاطس .
- أبيها أهي تقول .
- سويت كل خير .. اللي تحبه .. بطاطس مثرم مع البيض .
- عبدالله .
- نعم يبا .
- شريت خبز تنور.
- إيه يبا .. شوفه داخل السلة .
- وديت خبزتين لشريفة .
- إي ودينا.. وداهم صلاح ( الأم )
- طول الله عمرك يا أم عيالي .. صج إنك أم الخير
- يالله عيال .. غسلوا إيدنكم .. ستوا العشا ( الأم )
- صلاح .. جيب الروب من الثلاجة ( الأب )
- إن شاء يبا .
- شلون إن شا الله وأنت تلعب .
- أصبر شوي بخلص هالجولة .
- شفت يبا .. لو واحد منا سوى مثله كان صوت عليه ويمكن ضربته ( زهرة )
- ياعمري أنت تبالغين (الأب )
- خلاص خلاص .. هذا انا قمت .. ولا تحشون فيني .

تعشى الجميع وهم في جو عائلي بهيج وتفاءل بالحياة .. وأما إذا صعدنا إلى أعلى .. أي الدور الثاني من البيت .. عند زوجته الثانية شريفة .. فقد جلست دون أكل وقرصين من الخبز قد وضعا أمامها .. وفجأة رن تلفون المنزل .
- الو.
- شريفة .
- هلا بوعبدالله .
- ها .. تعشيتي عمري.
- والله مو مشتهية .
- صلاح جاب لك الخبز .
- إيه عطاني إياه .. بس مو مشتهية .
- أعرفك .. ودك أجي أتعشى وياك .. بس ما أقدر .

وفجأة خرج صوت من خلفه :

- يبا .. شفيك ساكت مالك حس بالتلفون ( مريم )
- سمعي شريفة .. هالبنت .. فضيحة وما أقدر أكلمك الحين .
- أكيد مريوم .
- وأهنا غيرها ملسونة في هالبيت .
- خلاص عمري .. كلها ساعات وأكون عندك على الغدا .
- خلاص أمري لله بصبر .
- معلي عمري .. تتعلمين على الوضع مع الأيام .
- زهرة .. مع منهو أبوك يتساسر في التلفون ( الأم ) .
- يمه .. اكيد مع شريفة .. نسيتي .. قبل ماينام عندنا يدق عليها .

وفرغ الأب من مكالمته ورجع المطبخ .

- وين الشاي يا أم عبدالله .
- لحظة .. ويكون عندك .
- بابا زهرة .. صبي لي بيالة .
- إن شاء الله يبا .. يالله ياعيال اللي يبي شاي يقول .
- يبا ..بقولك شغلة .
- قول ياعبدالله شعندك.
- يبا .. تدري أحنا ما أستغلينا الأرض الفاضية اللي في النخل .
- أيه والله صدقت ياعبدالله .. بس يبي لها فلوس .
- يبا .. خلنا نتكلم بالصراحة .. أنت ماتبي تصرف ولا ريال .
- مافهمت ( الأب )
- أقصد .. ماتبي تحط من إجارات العماير أو تبيع أرض علشان تعمر أرض النخل .
- أنزين .. عندك حل يابو ؟
- شوف يبا .. أنا سمعت من رجال يقول إن عمه أستلم مية وعشرين الف ريال وياها حراثة زراعية على الديزل من بنك التسليف الزراعي .
- تقصد البنك اللي عندنا في الهفوف .
- إيه .
- تتكلم صج ولا تمزح .
- شدعوة يبا .. أمزح معاك .
- إنزين شلون.
- بسيطة .. وزارة الزراعة تعطيك السلفة وتدفعها بأقساط سنوية ومريحة وقليلة على عشر أو يمكن عشرين سنة .
- شلون للحين مافهمت .
- شوف يبا .. أنت عطني صورة صك المزرعة .. وصورة التبعية .. وبكتب خطاب ويوم السبت اعبي الاستمارة .
- يعني بتروح الهفوف وبتقدم على الحراثة والقرض .
- إي يبا .. ويبغون كفيل .. نشوف لنا واحد يكفلك وماكثر الله منهم في العمران .
- الحين صج أثبت إنك سبع .. إيه عبدالله هذا حلاتك تحرك .
- يابوعبدالله .. ولدك مافي مثله .. بس أطلب من الله يوفقه .
- يالله على بابك ولا خاب طلابك .
- يعطيك العافية يبا .
- ياعيال .. أحس أني فاقد أحد .. وين أمرتك تهاني ؟
- راحت بيت أهلها .
- عبدالله .. يمه قول بيت الخالة .. أحسن من بيت أهلها .
- يمه ولا يهمك .. بقول بيت الخالة .

مجموع الأوسمة · 16-12-2009

ماشاءالله على ام عبدالله صابرة وربي يجازيها خير وتعلم اولادها على حب الأب
والخالة زوجة الأب سبحان الله
تسلم اخوي ابواحمد وبنتظار البقية

18-12-2009

ما شاء الله اسلوب رائع ومشوق

بانتظار التكملة

احسنت مولاي

19-12-2009

اقتباس:

المشاركة الأصلية كتبت بواسطة شمعة أمل

ماشاءالله على ام عبدالله صابرة وربي يجازيها خير وتعلم اولادها على حب الأب
والخالة زوجة الأب سبحان الله
تسلم اخوي ابواحمد وبنتظار البقية

إن شاء الله

لك ذلك

19-12-2009

اقتباس:

المشاركة الأصلية كتبت بواسطة حقوقية

ما شاء الله اسلوب رائع ومشوق

بانتظار التكملة

احسنت مولاي

لك ذلك سيدتي

15-12-2009	#11
الرتبة: جننــــــــــــي حـــــــــب حســـــــــــين نائب المدير التسجيل: 11-09-2007 الدولة: القطيف المشاركات: 22,525 بمعدل : 21.38 يوميا المواضيع : مشاركات : عدد الترشيحات : 107 عدد المواضيع المرشحة : 66 عدد مرات الفوز : 6 معدل تقييم المستوى: 20 الأوسمة التي حصل عليها مجموع الأوسمة: 1	اني اتعجب كيف يزوجوا الأولاد بهذاالسن 17 عمر عبدالله وحامل مسؤلية كأنه بعمر 25 ومافوق سبحان الله وبعدها بكم سنة ياخذ الثانية يعني مايوصل 30 سنة الى عنده كومة عيال من الثنتين هههه الله يعينهم ويعين عبدالله على ابوه شكله موهين والله تسلم اخوي ابواحمد بنتظار البقية توقيع : اشكرالأخت الغالية ربي رضاك والجنة على التوقيع الجميل بميزان الأعمال والله مدلعتني هالبنت

16-12-2009	#14
الرتبة: حسيني نشيط التسجيل: 08-12-2009 الدولة: الدمام المشاركات: 145 بمعدل : 0.62 يوميا المواضيع : مشاركات : عدد الترشيحات : 7 عدد المواضيع المرشحة : 2 عدد مرات الفوز : 2 معدل تقييم المستوى: 55	- عودنا يبا للرخيص .. ترى مو كل رخيص زين .. صج توفر بس ساعات فيه أشيا ماينفع معاها الرخيص .. عندك الحين البنيان أدفع اكثر علشان تضمن ما يخترب البيت أو يطيح على راسك . - شمدريك بالبنيان .. أنا أبوك وأعرف الدنيا أكثر منك .. - أنزين يبا .. قربنا ندخل البلد .. تبي أروح البيت على طول أول أنزلك مكان معين. - والله شكلك انت اللي تبي تنزل عند ربعك .. لاتلف ودور .. يالله وقف أنزل عند البقالة .. شفهم قاعدين .. واسمع لاتتأخر على الغدا .. انا اليوم بتغدا ويا خالتك شريفة .. يعني لازم تقعد مع أمك . - يبا . - ها وش تبي . - صراحة .. أنت ذكي ! - شلون ؟ - تبيني أكثر الأوادم على السفرة ويا أخواني علشان أمي ماتحس بقلة وجودك . - والله أنت الخبيث . - أنزين يبا عطني عشرين ريال . - توني أمس معطيك خمسين . - يبا حرام عليك أنا متزوج وأشتغل معاك ..وعندك نخيل وعماير .. وتحاسبني على خمسين ريال. - يما منك .. صل على محمد .. خذ . - اللهم صلى على محمد وآل محمد . توجه عبدالله نحو أصدقائه الذي يجتمعون عادة على رصيف البقالة التي في شارعهم . - السلام عليكم - وعليكم السلام .. شدعوة بوعابد .. وين الناس . (صديقه عيسى) - والله رايح مع الأبو الهفوف . - شعندكم .. اكيد تلقطون الإيجار . - وحنا عندنا غير الإيجارات والنخل . - أنا أشم ريحة في كلامك ياعبدالله ( علي ) - حشا كلامي طبخة كبسة .. مو كلام ! - والله جد .. اعتقد إنك ناوي على نية ( علي ) - تبون الصج . - أكيد . ( الجميع ) - أنا سجلت في أرامكوا. - أرامكوا.. بالله ليش ماقلت لنا إن عندهم تسجيل .. صج انك أناني !! ( عيسى ) - والله حاولت أقول لكم .. بس تدرون تلفونا مخبط .. وحاولت ادق عليكم .. والله توني البارحة دريت ورحت اسرع اصور الورق .. حتى شوفوا صورت صورتين بالغترة . - أنزين فرضا أقبلوك .. شبتسوي .. أقصد شنهي خطتك ( أحمد نسيبه ). - أكيد مايبلا كلام .. بشيل قشي وبهج . - منين بتهج ( عيسى ). - بهج من النخل . - أووه .. أفكر بتهج من البيت ( أحمد نسيبه). - لا تخاف على أختك .. مابتضيع ( عيسى ) . - لا والله مو قصدي .. بس أنا أشوف كل اللي يشتغلون في ارامكوا يهدون بيت أهلهم . ( أحمد نسيبه ) . - أكيد بيتوسعون.. المهم الحين بهدكم .. أبي أروح البيت ..تراني ماصليت وبتغدى علشان أروح النخل العصر . - أجل أشوفك هناك يابو نسب .. وبجيب معاي سنكرس( أحمد نسيبه ) . - إن شاء الله .. أووه .. ذكرتني .. تهاني موصية على اشيا بشتريها من البقالة .. يالله خلني اشتريها وأروح البيت . - تدرون شباب أحسن شئ في فريجنا هالبقالة .. أي وقت تجيها فاتحة حتى وقت الصلاة .( عيسى ). - الحين اللي يسمعك يقول سوبرماركات الهفوف.. كلها بقالة مترين في مترين (علي ) . وخرج عبدالله من البقالة وسمع حوار عيسى وعلي .. فرد عليهم وهو يريد الذهاب إلى بيتهم . - أقول .. بقالة مترين في مترين فاتحة وتاخذ منها خبز عندنا.. أحسن من سوبر ماركت الهفوف على قالتك ومسكر. - صج ماحد يغلبك في الكلام .. عبدالله والأجر على الله .. ( علي ) . - أكيد ماحد يغلب عبدالله .. أجل ليش أحنا عطيناه أختي .. ( أحمد نسيبه) دخل عبدالله منزلهم وتوجه مباشرة إلى المطبخ ليسلم على أمه ويقبل يدها كما هي العادة . - شلونك يمه .. ولهت عليك . - هلا أبويا . - يمه .. ترى ميت من الجوع .. شطبختي اليوم . - اليوم مسوية .. مطبق ربيان . - أخخ .. والله احب هالأكلة .. بس منين الربيان ؟ - نسيت .. اللي شريتوه من سوق الخميس .. الربيان اليابس . - أه .. والله نسيت .. صج شحلو شكل ذاك الربيان .. ينوكل وهو نيَ . - يمه .. روح صلي .. وشوف تهاني ولا تتأخرون على الغدا . - إن شاء الله يمه .. توجه عبدالله لغرفته وما إن دخل . - وينها ؟ .. مافي أحد .. - وواوو !! - بسم الله الرحمن الرحيم .. والله روعتيني . - شلونك عمري . - الحمد الله .. توني جيت . - جبت اللي وصيتك عليه . - أيه عمري .. بس الكاكاو الاحمر مالقيته .. يقول الهندي خلص وبيجيب منه العصر من الهفوف . - حياتي .. شكلك ماعرفته. - شدعوة .. والله عرفته .. مو ذاك الاحمر اللي محشي بره بجوزالهند . - إيه هاذا اهو .. أموت عليه . - أفا .. تموتين عليه أكثر مني ! - لا عمري بعدك . - ولل .. يعني أحنا بالترتيب ! حظ الكاكاو ! - شدعوة أمزح معاك .. - المهم عمري بصلي وبنتغدا .. اليوم أم عبدالله مسوية خوش طبخة . - أووف .. عمري امتى يصير عندي مطبخ وأطبخ لك أنا . - والله عمري قريب بسوي لك مفاجأة . - صج حياتي . - أنت صبري بس وبتشوفين الاخبار الحلوة . - الله يخليك .. والله ماني رايحة الغدا إلا لمن تعلمني . - أقولك بعدين عمري . - والله تقول الحين .. يالله حياتي . - سمعي يازوجتي وبنت خالتي وحياتي .. أنا قدمت في شركة أرمكوا .. وإذا قبلوني بشتغل وبهد أبوي وأشغاله . - صحيح .. والله أحسن خبر سمعته في حياتي .. واو ! - قولي إن شاء الله . - الله كريم .. إن شاء الله عمري . - يعني بعدين بتشتري سيارة بروحك .. وأروح وياك كل مكان . - أيه أكيد عمري . - يعني بنروح الهفوف نتسوق .. ونروح المطاعم ! - أكيد عمري .. كل هالأشيا بحققها لك .. بس الله يخليك لايطلع كلام مني ولا مني .. مابقول للوالدة إلا لمن يكلموني أرامكوا رسمي .. وعلى فكرة .. حطيت رقم بيت أهلك .. يمكن تلفونا خربان ولا فيه شئ ويكلمون أهلك .. عطيهم خبر . - إن شاء الله اليوم إذا رحت عند أمي بقول لها . - يالله عمري بصلي علشان الحق على الغدا .. بموت من الجوع . وعلى سفرة الغدا في صالة بيتهم الكبير . - ها يمه .. إن شاء الله كثرتي الدهن . - يضرك يمه .. حطيت شوي.. وين تهاني ؟ توقيع :

16-12-2009	#15
الرتبة: حسيني نشيط التسجيل: 08-12-2009 الدولة: الدمام المشاركات: 145 بمعدل : 0.62 يوميا المواضيع : مشاركات : عدد الترشيحات : 7 عدد المواضيع المرشحة : 2 عدد مرات الفوز : 2 معدل تقييم المستوى: 55	- جاية . - السلام عليكم - وعليكم السلام تهاني .. شلونك ( زهرة أخت عبدالله ) - الحمد لله .. تأخرت اليوم .. سامحيني خالة والله تعبانة حيل . - عادي يمه .. ماعندي شغل واجد .. زهرة ماقصرت . - يمه زهير قوم بتشوف صحن عليه قصدير وده لبوك . - شنهو يمه ( عبدالله ) ؟ - تدري أبوك يحب هالطبخة .. ولازم نودي له يذوقها . - بس يمه بتاكل منه شريفة ( مريم أخت عبدالله الصغرى ) - عيب يمه تقولين هالكلام .. هذا ابوك وذي خالتك ( الأم ) - الله يمه .. ياليت أبوي يسمعك .. صج مافي مثلك ( زهرة ) - أها أكلوا علشان تشربون الشاي وتروح النخل ويا أبوك . عبدالله ينظر لأمه وعيناه أغرورقتا بالدموع حتى أصبحتا لامعتان . - أحبك يمه .. الله يخليك لنا. فرغت العائلة من الغداء وجلسوا لشرب الشاي . - يمه .. عندي سؤال . - قول عيوني شعندك . - أنت تحبين أبويا ؟ - وليش ما أحبه .. أهو أبو عيالي . - وحتى بعد ماعرس عليك وحط شريفة . - أكيد زعلت .. أنا أنسانة لازم بزعل . - طيب ( عبدالله ) - أنا مادرست وهي عندها الثانوية .. بس مهما يكون أنا عندي أحساس .. ولازم بتأثر . - يمه .. ماودك أبويا يموت ويا شريفة ( مريم الصغرى ) - عيب مريم .. وجع .. شالكلام تقلوينه على أبويا ( زهرة ) - يابنات .. خلوا أمكم قدوة لكم ..والصج النسوان مو سوا .. وما بتلاقون مثل امكم ( عبدالله ) - ياعبدالله .. أنا زعلت وتكدرت يوم قال بيعرس .. وخاصة ليلة العرس تميت اصيح لين الصبح .. بس شسوي أهو يبي يعرس من زمان .. وأنا ما أقدر أمنعه .. والله يعلم أني مابرحت أحبه ولا أكرهه .. ولا بنسى ثمانطعش سنة قضيتها معاه .. يعني بالعقل ياعيال .. بسرعة بقلب عليه لأنه عرس وخذ وحدة ثانية.. لا .. هذا موطبعي .. ولايرضي الله ورسوله . - بس ليش رفضتي يجيب شريفة زيارة عندنا ( عبدالله ) - صعبة ياعبدالله .. وخاصة توه معرس .. أنا قلت له بعدين .. وأهو يقول بتجيك بتحب راسك وهي كبر وحدة من بناتك . - يمه أنت مومنة حيل ومافي مثلك ( زهرة ) - عبدالله .. في نسوان عندنا في بلدنا من يعرس زوجها ترفع العلم وتشب الضو .. وتسوي حرب كنها بتحارب أسرائيل .. أنا إذا فكرت صج وشغلت عقلي ..أشوف خالاتي .. فكروا عدل .. خالاتي أكثرهم مب من أم وأبو .. يعني خالاتي من الحجية أمي وبس .. وحتى عماتي خوات أبويا عبدالله الله يرحمه .. هم مب خلصه .. يعني أنا أكرهم واعاديهم .. لا .. بالعكس هذاكم تشوفونهم وتزورنهم وتحبون روسهم .. وتقولون لهم خالة وعمة .. واحنا عايشين .. ومانقدر نغير شئ صار وأستوى . - يمه شمعنه خلصه ( مريم الصغرى ) . - يمه الخليص والشقيق يعني أخو أو أخت من أم وأبو . - تصدقون .. لو الواحد فكر عدل .. الزعل واللوبة بس وقت العرس ! وإذا مرت السنين ورا السنين.. وجاو العيال والبنات .. ينسى بني آدم ويموت الأبو وتموت الأم .. ويبقى الأخوان والخوات .. خليص أو موخليص أهو أخوك وأختك .. وساعات يمه تشوفون اللي مو خلصه أحب وأقرب من الأخلصة .. يعني مايعطي معنى ! - بس يمه أكيد زواج أبونا أثر في نفسيتك . - إي والله أثر .. بس صبرت .. وشوي شوي إن شاء الله أنسى .. وأنتوا وقعدتكم معاي تنسيني . - بس يمه تتوقعين أبوي يهدك .. وينكر فضلك .. تدرين أنت عشتي وياه من أيام الفقر إلين أستغنى .. يعني شريكة حياته على الحلوة والمرة . - لا .. أنا أعرف أبوك .. ما يخون العشرة . - بس يمه ليش خالاتي دايماً يقولون الرجال مالهم أمان ( زهرة ) - يازهرة .. أكيد هالكلام من خالتك إيمان . - صح ( زهرة ) - شتفي . - قصدك زواج أبوي مب خيانه ( عبدالله ) - شفايدة عبدالله .. الأبو ما يعرس ثانية وأخلاقة ومعاملته شينه ويا زوجته وعياله .. هذا شوفوا خالتكم إيمان .. رجلها ماعرس ثانية .. وكل يوم مطقوقة بالهوز والعسو ويسبها ليل نهار . - فهمتك يمه .. الله يساعدك ياخالة .. هذا حيوان مب انسان ( عبدالله ) - أيه عبدالله .. أنا عندي الزوج يعرس ثانية وأهو مومن وخلوق ويعامل المرتين مثل مالله يبي .. أحسن من رجال بروحه مايخاف الله .. الحمد لله على كل حال . - بس يمه أكيد أحد موصيك .. ماصدق .. منين تجيبين هالكلام . - مافهت شتقـول ياعبدالله .. والله ماحد موصيني . - أقصد يمه لو تدورين وحدة تقول هالكلام في العمران مابتحصلين .. ويمكن حتى على مستوى الأحساء .. صج في نسوان تزوجوا أرجالهم وهم ساكتين وراضيين .. بس مايقولون هاللي تقولينه .. يمه قولي الصج .. أكيد وحدة تعطيك محاضرة من هاللي يقروون وقنعتك . - الصج يا عبدالله كل ما تذكرت أم البنين سلام الله عليها .. وشلون تحب عيال الزهره اكثر من عيالها .. قلت أخليها قدوة .. وأكيد مابخيب . - أم البنين !! أخ عليك يا أم البنين .. ياليت النسوان يتعضون منها .. تصدقين يمه راحت عن بالي .. والله نسيتها . - المهم لاتبطي على النخل .. جات الساعة ثلاث ونص . - بس آخر سؤال يمه . - قول . - الحين أصرارك .. حلوة أصرارك شرايك فيها .. بتكلم جد .. الحين تركيزك على أني أروح النخل مبكر على شنهو؟ .. عين علشان أني اشتغل مبكر أو علشان أبويا ؟ الأم تبتسم والدموع في عينيها .. وعبدالله قرأ الإجابة مكتوبة في دموعها .. ثم سلم عليها وخرج من البيت حتى ركب سيارة أبيه . - صلاح .. وينك مالك حس وماشفتك على الغدا .. يالله مشينا النخل . - ما أقدر اروح اليوم .. عندي مذاكرة . - خلاص .. انا بروح بروحي .. بس جيب دلال الشاي والقهوة . - حطيهتم جنبك عند رجولك.. ماتشوف ! - أوه .. هذاهم لقيتهم . توجه عبدالله بسيارته لمزرعتهم حتى دخل منطقة العريش التي تتوسط المكان بجوار العين والمستودع . - السلام عليكم - وعليكم السلام ( عامل النخل ) - عبد .. وين أبوي ؟ - أبوك في المستودع .. وتراه زعلان إنك تتأخر في جيتك . - شلون تأخرت .. الحين حتى الساعة أربع ما جات . - شتقول ياعبيد ( الأب ) - هلا يبا .. هذا جبت الشاي والقهوة . - أنا ما أبي الشاي والقهوة .. أبيك أنت تشتغل .. روح داخل النخل .. الحين وقت الصرام . - بس يبى أنا ما أعرف أرقى النخلة ! - تعلم .. عبد خذ الكر من العريش .. وروح وياه .. علمه شلون يرقاها . - يبا حرام عليكم .. أنا عندي مذاكرة .. الأختبارات بعد أسبوعين . - أنت منت بفالح في الدراسة ولا في النخل .. الحين رد .. كم سنة لك في المتوسطة ؟ - ماعليك يبا .. أنا بذاكر و إن شاء الله بعدل مستواي هالسنة . - بنشوف . توقيع :

16-12-2009	#16
الرتبة: حسيني نشيط التسجيل: 08-12-2009 الدولة: الدمام المشاركات: 145 بمعدل : 0.62 يوميا المواضيع : مشاركات : عدد الترشيحات : 7 عدد المواضيع المرشحة : 2 عدد مرات الفوز : 2 معدل تقييم المستوى: 55	1/2 بعد أسبوع وفي يوم الثلاثاء بعد صلاة الظهر مباشرة .. رن تلفون بيت بوعبدالله . - السلام عليكم . - وعليكم السلام . - أختي .. هذا بيت عبدالله عبدالمحسن . - إيه . - وين عبدالله . - أهو برا .. للحين ماجا . - أنت قريبته . - إيه أنا أمه .. من نقوله .. عسى ماشر . - قوليله .. كلموك أرامكوا .. وعندك مقابلة في مكتب الحسا يوم السبت في قاعة 117. - إن شاء الله .. بس ليش . - قولي له وهو يعرف . - إن شاء الله . وعند عودة عبدالله من المزرعة .. دخل البيت متجهاً مباشرة إلى المطبخ .. ولم يرى أمه .. ثم ذهب إلى غرفتها ووجدها تصلي .. فأنتظر حتى فرغت وسلمت وفأجأها من خلفها وقبل رأسها : - غفر الله لك . - ولك ولوالديك يغفر الله . - يعني عودنا يمه .. الغفران لك مرة ثانية . - يووه .. ليش كلا تدقر في الكلام . - أمزح معاك يمه . - صج نسيت اقولك عبدالله .. اليوم اتصلوا شركة الأرانكوا ويقولون عندك تسجيل مدري موعد . - أسمها أرامكوا يمه . - إيه أرامكوا ولا أرانكوا .. مثل مثل . - تقولين مقابلة . - إيه .. أتصل رجال وسأل عنك ..ويقول عندك مقابلة - ماقال أمتى ؟ - إيوا قال .. كنه قال تروح لهم يوم السبت . - بس ماقال وين .. الظهران أو الحسا ؟ - كنه قال في الحسا . - بس معا منهو ووين .. - والله نسيت ياعبدالله . سمعته قال رقم بس ماحفظته . - الله يهديك يمه .. كان خليتي أحد يسجله . - بس أنت ماقلت لي إنك بتشتغل في ألأرامكوا . - هذا انت دريتي . - يعني بتهد شغلك معا أبوك. - صج أنك تحبينه حب موطبيعي .. يعني خايفة عليه يضيع إذا هديته . - عبدالله .. أنت الكبير .. وإذا هديت أبوك بيضيع . - يمه .. لا تجهزين الدوا قبل الفلعة مثل مايقول المثل .. خليني الحين أتوظف وبعدين نتفاهم .. والله يخليك لا تجيبين طاري لبوي . - على كيف .. - الله يخليك يمه .. طلبي لي .. ترى دعوتك مستجابة . - روح الله يوفقك بحق واحد أحد .. وبجاه محمد وآل محمد . - صدقيني .. توظفت .. مادام الدعا طلع من قلبك .. أنا متوظف تماتيك ومايبيله كلام . وبعد العشاء .. أي قبل دخول أبو عبدالله البيت لكونها ليلة أم عبدالله .. أكتظ المطبخ بالأم وأولادها ..البنات والصبية .. حيث المطبخ الكبير .. وفجأة دخل أبوعبدالله عليهم . - قوة . - هلا يبا .. شلونك ( زهرة ) . - الحمد لله عيوني . - شلونك مريوم . وتركض مريم إلى أبيها ويحتضنها ويضمها إلى صدرة .. ثم يقترب الأب حتى وصل خلف صلاح الذي كان يلعب الأتاري في المطبخ مع زهير .. وقبل صلاح في خده . - شوفي يمه .. هالأبو يموت في صلاح ( زهرة ) - تراني سمعتك . - ماقلت شئ يبا. - أنا أحبكم كلكم .. أنتوا كلكم عيالي . - حتي أمي تحبها ويانا ( مريم ). الأم تنظر إلى الأب بطلعة سريعة وهي تطبخ . - أكيد أحبها .. وأنا عندي أعز منها .. أهي الغالية .. ها أم عبدالله شنهو عشاك اليوم . - يبا أمي سوت بيض بالبطاطس . - أبيها أهي تقول . - سويت كل خير .. اللي تحبه .. بطاطس مثرم مع البيض . - عبدالله . - نعم يبا . - شريت خبز تنور. - إيه يبا .. شوفه داخل السلة . - وديت خبزتين لشريفة . - إي ودينا.. وداهم صلاح ( الأم ) - طول الله عمرك يا أم عيالي .. صج إنك أم الخير - يالله عيال .. غسلوا إيدنكم .. ستوا العشا ( الأم ) - صلاح .. جيب الروب من الثلاجة ( الأب ) - إن شاء يبا . - شلون إن شا الله وأنت تلعب . - أصبر شوي بخلص هالجولة . - شفت يبا .. لو واحد منا سوى مثله كان صوت عليه ويمكن ضربته ( زهرة ) - ياعمري أنت تبالغين (الأب ) - خلاص خلاص .. هذا انا قمت .. ولا تحشون فيني . تعشى الجميع وهم في جو عائلي بهيج وتفاءل بالحياة .. وأما إذا صعدنا إلى أعلى .. أي الدور الثاني من البيت .. عند زوجته الثانية شريفة .. فقد جلست دون أكل وقرصين من الخبز قد وضعا أمامها .. وفجأة رن تلفون المنزل . - الو. - شريفة . - هلا بوعبدالله . - ها .. تعشيتي عمري. - والله مو مشتهية . - صلاح جاب لك الخبز . - إيه عطاني إياه .. بس مو مشتهية . - أعرفك .. ودك أجي أتعشى وياك .. بس ما أقدر . وفجأة خرج صوت من خلفه : - يبا .. شفيك ساكت مالك حس بالتلفون ( مريم ) - سمعي شريفة .. هالبنت .. فضيحة وما أقدر أكلمك الحين . - أكيد مريوم . - وأهنا غيرها ملسونة في هالبيت . - خلاص عمري .. كلها ساعات وأكون عندك على الغدا . - خلاص أمري لله بصبر . - معلي عمري .. تتعلمين على الوضع مع الأيام . - زهرة .. مع منهو أبوك يتساسر في التلفون ( الأم ) . - يمه .. اكيد مع شريفة .. نسيتي .. قبل ماينام عندنا يدق عليها . وفرغ الأب من مكالمته ورجع المطبخ . - وين الشاي يا أم عبدالله . - لحظة .. ويكون عندك . - بابا زهرة .. صبي لي بيالة . - إن شاء الله يبا .. يالله ياعيال اللي يبي شاي يقول . - يبا ..بقولك شغلة . - قول ياعبدالله شعندك. - يبا .. تدري أحنا ما أستغلينا الأرض الفاضية اللي في النخل . - أيه والله صدقت ياعبدالله .. بس يبي لها فلوس . - يبا .. خلنا نتكلم بالصراحة .. أنت ماتبي تصرف ولا ريال . - مافهمت ( الأب ) - أقصد .. ماتبي تحط من إجارات العماير أو تبيع أرض علشان تعمر أرض النخل . - أنزين .. عندك حل يابو ؟ - شوف يبا .. أنا سمعت من رجال يقول إن عمه أستلم مية وعشرين الف ريال وياها حراثة زراعية على الديزل من بنك التسليف الزراعي . - تقصد البنك اللي عندنا في الهفوف . - إيه . - تتكلم صج ولا تمزح . - شدعوة يبا .. أمزح معاك . - إنزين شلون. - بسيطة .. وزارة الزراعة تعطيك السلفة وتدفعها بأقساط سنوية ومريحة وقليلة على عشر أو يمكن عشرين سنة . - شلون للحين مافهمت . - شوف يبا .. أنت عطني صورة صك المزرعة .. وصورة التبعية .. وبكتب خطاب ويوم السبت اعبي الاستمارة . - يعني بتروح الهفوف وبتقدم على الحراثة والقرض . - إي يبا .. ويبغون كفيل .. نشوف لنا واحد يكفلك وماكثر الله منهم في العمران . - الحين صج أثبت إنك سبع .. إيه عبدالله هذا حلاتك تحرك . - يابوعبدالله .. ولدك مافي مثله .. بس أطلب من الله يوفقه . - يالله على بابك ولا خاب طلابك . - يعطيك العافية يبا . - ياعيال .. أحس أني فاقد أحد .. وين أمرتك تهاني ؟ - راحت بيت أهلها . - عبدالله .. يمه قول بيت الخالة .. أحسن من بيت أهلها . - يمه ولا يهمك .. بقول بيت الخالة . توقيع :

16-12-2009	#17
الرتبة: جننــــــــــــي حـــــــــب حســـــــــــين نائب المدير التسجيل: 11-09-2007 الدولة: القطيف المشاركات: 22,525 بمعدل : 21.38 يوميا المواضيع : مشاركات : عدد الترشيحات : 107 عدد المواضيع المرشحة : 66 عدد مرات الفوز : 6 معدل تقييم المستوى: 20 الأوسمة التي حصل عليها مجموع الأوسمة: 1	ماشاءالله على ام عبدالله صابرة وربي يجازيها خير وتعلم اولادها على حب الأب والخالة زوجة الأب سبحان الله تسلم اخوي ابواحمد وبنتظار البقية توقيع : اشكرالأخت الغالية ربي رضاك والجنة على التوقيع الجميل بميزان الأعمال والله مدلعتني هالبنت

18-12-2009	#18
الرتبة: مشرفة خيمة المراجع والمفكرين الإسلاميين وخيمة الكمبيوتر و النت التسجيل: 13-03-2007 المشاركات: 4,168 بمعدل : 3.37 يوميا المواضيع : مشاركات : عدد الترشيحات : 0 عدد المواضيع المرشحة : 0 عدد مرات الفوز : 0 معدل تقييم المستوى: 973	ما شاء الله اسلوب رائع ومشوق بانتظار التكملة احسنت مولاي توقيع : نحن الشيعة الأبية, شجاعتنا نبوية, غيرتنا حيدرية, حشمتنا فاطمية, آدابنا حسنية ,كرامتنا حسينية ,عزتنا زينبية ,.أدعيتنا سجادية علومنا باقرية, أحاديثنا جعفرية, سجداتنا كاظمية , صلواتنا رضويه,.كراماتنا جوادية ,أنباؤنا هادية.,حكمتنا عسكرية انتصاراتنا مهدوية مسافرة حاليا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الإهداءات