0/ من سكان اي منطقه؟
البحرين ,, واذا بتشرفوني اقول لكم من أي منطقة 
خلص بقرر اجي لج عشان اعرف من اي منطقه >> نذاله هههه
خخخخخخ واني نذاله حتى لو بتجين ما راح اقول 
2/ ماهي هواياتك؟
الشعر والرسم والتصميم بالفوتوشوب
4/ ماطموحك بالحياه؟
اني اكون انسانة ناجحه في حياتي واكون عنصر مابقول مهم بس فعال بحيث اقدر افيد المجتمع .. يعني مو عاله :)
ياعيني ع العنصر والفعال
ههههههههه لا تدققين له .. قلنا نتفلسف شوي
5/عند أي مرحله دراسيه توقفت؟
شيبنا وللحين ما توقفنا 
,, الجامعية
الله يوفقج غاليه ولساتها الايام جايه
ان شاء الله ويوفق الجميع .. سانك يو :)
6/ أجمل شيء بطفولتك؟
اللعب مع عيال الفريج ببرائة وحسن نية بدون ما تفكرين في هم ولا مشاكل
7/موقف مضحك مررت به ؟"والله مانضحك هههه"
مرة بالجامعة كنت طالعه من المكتبة ورايحه المحاضرة في الطريق في عندنا شكاسن ( صفوف ) تطل على الممر برى ,, المهم واني ماشية وصلت عند دريشة سكشن من السكاشن وقلت بشوف شيلتي عدله والا لا << يا حبها للمنظرة .. وقعدت اعدل نفسي وماخذه راحتي .. والدرايش اصلها في النهار ما تشوفين بوضوح اللي داخل بس هم يشوفونج ,, المهم بعد ما عدلت نفسي وتوني بمشي ,, والبنت تاخذ اخر نظرة لها بالدريشه لتتأكد بأنها اوكي والا تطيح عيني على ناس قاعدين يطالعون فيني دققت النظر والا الدكتور بالطلبة يطالعون وميتين ضحك علي .. ههههههه صج ضحكت ضحك من الفشيلة
ههههههههههههه ياااااااااااااه وش وهقتج يابنت ابوج :ansmile32:
صراحه نااااااااايس موقف يخبل ويضحك من جد
ياحلوج :icon51:
مو انتي كاتبه والله ما بنضحك ليش تضحكين p:
8/ موقف محرج مررت به؟ "لا تخاف قول مانعلم هههه"
وي لا تذكريني للحين اذا فكرت فيها اتفشل .. المهم يوم كنت بالابتدائي مدري الاعدادي ما اذكر كنت واجد اروح انام مع بنات عمي ,, المهم مرة نمت عندهم وغرفتهم شوي كبيرة والمكيف بصوب واسرتهم صوب ثاني بعيد .. والهواء ما يجيني ,, وحر مو قادره انام كلما اتقلب مو جايني نوم وهم اذا شغلو المكيف يعني مروحة ماكو واني مو متعوده .. لازم المروحة شغاله على راسي حتى في الشتاء .. المهم بعد ما مصخت السالفة قمت ورحت للمروحة اشغالها .. ومن كثر النوم مو واصل فيني شغلتها بالعكس على بالي في بيتنا يعني من الجهة الاكثر ,, الا وتجيكم الفشلة ان الكهرباء بكبرها تنطفي في البيت كامل .. والحل الحين وين تروحين يانبراس والله تمنيت اني لو اقدر اختفي .. بس ما عندي حل الا اني ارجع انام ولا كأني مسويه شي .. يوم قعدت الا عمي قاعد يسوي في الكهرباء .. ومنها ولا عدت نمت عندهم .. رغم انهم يصرون علي بس توبت هههههههههه
هههههههههههههههههههه فناتك عليج مو صاحيه 
9/مشكله مررت بها وأتعبتك بحلها؟
في مشكلة مقدر اقولها ولا احب اتذكرها بس طالت عندي يمكن لاكثر من سنتين واني اعاني منها وبالاخير من كثر ما تعبت .. تركتها للزمن ,, وتوكلت على الله اللي ما يضيع عباده ..
الله يعين
10/كم صديق أحتوى قلبك؟
اصدقاء مقربين يمكن 3
الله يخليهم لج :)
آمين يارب ويخلي لج احبابج :)
11/ من هو صديقك المخلص؟
نفسي
افااا ماهكذا التفاهم ههههههههههههههه
هههههههههههه الا هذا اكبر تفاهم ياختي .تطمأنين مافي افشاء سر ولا مشاكل من وراه
12/ هل هناك شخص تربطك به علاقه قويه فاجئك بشيء تحبه ولازلت تذكرها له؟
اي أبوي
12/ ماذا تعني لك مرحلة المراهقه؟"أيام صعبه مو"
هي المرحلة اللي يصارع فيه الشخص بين رغباته وبين عادات وتقاليد المجتمع ,, يعني في هالمرحلة الواحد يبي يثبت نفسه ويكون شخصيته ولا احد يتدخل فيه ويحس ان محد راضي يفهمه .. والله يعين الاهل اذا عندهم احد مراهق خصوصا اذا ولد لان احس السالفة اصعب
اي والله صدكتي
13/ماذا تعني لك مرحلة الشباب؟
احلى مرحلة عندي .. مرحلة النضج والتفكير بعقل واعي .. والتخطيط لالمستقبل.. ومعظمنا يمكن اذا قعد يتذكر تفكيره ايام المراهقة يقعد يضحك لان الفرق كبير
14/أي مرحله من عمرك وجدت بها نفسك أو أحببتها؟
مرحلة الثانوية ,, والله اشتاق لها واجد
15/ كيف تستقبل من يكن لك الحب والتقدير؟
بكل شوق ولهفة :icon51:
17/ ماذا يعني لك الحب؟"بصراحه"
اعتبره مثل الوقود اللي يزودني بالطاقة ويدفعني للاستمرار والعطاء في هالحياة
ياعيني تعووو سمعوهالحجي
بلا احراج له
18/ حكمه تحب ترديدها دوما؟
اللي حاطتها في توقيعي ..
لا تحطم لو تحطم لك امل ,, اعرف ان الله يحبك وابتسم ,, لا تقول الحظ عمره ما كمل ,, قول انا حاولت والله ماكتب ..
وبعد مقوله للامام علي عليه السلام : " لو ضاقت بك الدنيا فلا تقل يارب عندي هم كبير .. بل قل ياهم عندي رب كبير "
19/هل أستمتعت معنا اوكنا ثقلين عليك؟"مانزعل ترى"
اي اكيد والا ما شفتيني اول وحده راده بالموضوع :)
20/صراحه ونت ترد ع الاسئله المعده وش قلت بنفسك؟ " اقووول اعترف احسن لك "
والله ما قلت شي بالعكس ارد ونفسي منفتحه
اعترفي احسن لج 
قلنا لج والله شنو نقسم بالقران بعد 
21/ انظمامك كأسره في هذا المخيم الشامخ مااحساسك وانت فيه؟
صج احسه اسرتي الثانية ,, هذا اول منتدى اشارك فيه والوحيد اللي اعطي فيه .. تعودت عليه .. تعودت على اعضائه وعلى اقسامه .. بكمل نهاية شهر 6 سنة من انضمامي في هالمخيم الذي اعطاني الكثير ويكفيني اني تعرفت على ناس طيبة مثلكم واتمنى انكم استفدو مني ولو شي بسيط .. واعذروني على ثقالة دمي في بعض الاحيان واذا زعلت احد هم بعد يسامحني وان شاء الله الله يقدرنا لجعل صرح هذا المخيم عاليا << صار وداع مو احساس حشى
بالعكس مافي اي ثقاله بس رقله شوي ههههههههههههههههههههه >>امزح
هههههههههههه قولي اللي في قلبج بعد ليش تخبينها بكلمة امزح هههههههههه << يا حبها للعناد
22/ بالنسبه للمخيم حدث موقف محرج من عضو؟ "
عاتي قول بس لاتسمي "
نو ما اذكر صار شي من هالقبيل
23/ وش تتمنى وانت في المخيم ؟ " يعني تتمنى انك تترقى بالمنصب"
اني اكون عضوة محبوبة عند الجميع ,, وتستفيدون مني صج ,, اما الارتقاء بالمنصب فحاليا مو في بالي لاني ادري ما راح اقدر اعطي فيه بسبب الدراسة فحرام افكر في شي مو قده .. بس اذا تخرجت الا ترقوني خخخخخخخخ امزح
ههههههههههه انتي فكري بدراستج وايد ابرك لج خخ وخلي المنصب لنا حنا الفاضييين ما ورانا شي
ههههههههههه انتي بس انتظريني الى شهر2 والا 3 بالكثير وراح اتفرغ لج تمام ويمكن اخذ منصبج فالحذر يعني ..<< امز ح لا ابي منصب ولا شي
ووووه واخيرا خلصت الاسألة تعبت واني اجاوب
الله يعطيج العافية عزيزتي رضوة على الموضوع
وكاني رديت ويالله ابي اشوف اعترافاتكم وخصوصا السؤال الثاني ههههههه
العرض العادي
